Pigpapaubaya na kan Palasyo Malakanyang ki Department of Interior and Local Government (DILG) Secretary Jonvic Remulla an disposisyon sa mga lokal na opisyal na nasa ibang nacion sa kasagsagan kan kalamidad.
An mga ini an nagsuway sa kasuguan na dae maghali sa nacion ngani na marikas na makapag responde sa saindang constituents na biktima nin kalamidad.
Segun ki Palace Press Officer USec. Claire Castro na dae tulos matataram na igwang kasalan an mga opisyal na nagdagos man liwat sa ibang nacion sa ibong kan memo kan DILG.
Kaipuhan muna suboot na pag-adalan kun ano an katuyuhan kan mga opisyal sa saindang biyahe asin kun naka apektar ini sa marikas na pag-aksyon sa mga biktima nin kalamidad.
