Kinondenar kan Malakanyang an pahayag kan abogado ni dating Presidente Rodrigo Duterte na si Atty. Nicholas Kaufman na pigrarautan sana ni Presidente Ferdinand Marcos Jr. an nagin paninirbihan ni Duterte.
Sa enot na aldaw kaya kan confirmation of charges sa International Criminal Court (ICC) kun sain igwang sarong apod sa telepono na naresibe asin ipig-orgulyo na magpapaluwas sinda nin mga witness ngani na rauton an dating presidente.
Segun ki Palace Press Officer Usec. Claire Castro na an alegasyon ni Kaufman ki Presidente Marcos an maikokunsiderar na dakulang kalokohan.
Dugang pa ni Castro na garing si Kaufman ngunyan an may kamatean huli ta garing nalingawan kaini na an crime against humanity case na ipigsunad sa ICC kontra ki Duterte an kan 2017 pa kun sain sarong private citizen pa si Marcos.
Pigduon pa ni Castro na bako malinaw na maging defense lawyer si Kaufman huli ta an mga nangyari suboot na extrajudicial killings an kan alkalde pa si Duterte sa Davao City.
