Nangapodan an Malakanyang sa mga senador na maganap bilang senator-judges na mateniron an saindang pagigin neutral sa tahaw kan mga isyung pigkakahampang kan Halangkaw na Kapulungan kan Kongreso.
Segun kay Palace Press Officer Usec. Claire Castro na malinaw sa ley na an mga senador na makapot kan siring kaining mandato an kinakaipuhang warang pigkikilingan asin dae nagpapahiling nin pagigin biased.
Tinuyaw man niya an suboot lantaran asin hayagang pagpapahiling kan pagkiling kan pirang senador sa presenteng mga orolay.
Pig-enganyar ni Castro an mga senador na irespeto an mandato kan taumbayan asin isaisip na sinda an nanerbihan bako para sa sarong tawo sana kundi para sa kapakanan kan sambayanan.
Dapat suboot magpahiling man nin kadiit na kahihiyan an mga senador, huli ta pigseserbihan ninda iyo an taumbayan.
Dae man binanggit ni Castro kun siisay an partikular na pigtataram niyang senador, alagad an saiyang pahayag an nagluwas kasunod kan mga kontrobersiyang nakadukot sa impeachment case laban kay Vice President Sara Duterte.
