Ipighayag kan Malacañang na pig-aasigurar nindang makakamtan ni dating Presidente Rodrigo Duterte an patas na paglilitis sa International Criminal Court (ICC).
Sa saiyang enot na paghampang sa international court kan nakaaging aldaw, pigtawan doon ni Palace press officer Claire Castro na nagpoon na an proseso kan hustisya para kay Duterte.
Segun kay Castro, an marikas na pagtugon kan ICC sa mga kahagadan kan kampo ni Duterte an nagpapahiling kan pagrespeto sa saiyang mga karapatan bilang akusado.
Mientrastanto, sinabi ni dating Senate President Franklin Drilon na an pagrani kan mga pamilya kan mga biktima sa ICC an sarong indikasyon kan saindang kawaran nin tiwala sa judicial system kan nacion.
Nakatalaang maghampang giraray si Duterte sa korte sa maabot na Setyembre 23 para sa masunod na hearing.
.){kind=link}