Pinahimutikan kan Malacañang ang alegasyon na may impluwensiya si Presidente Ferdinand Marcos Jr. sa imbestigasyon kan National Bureau of Investigation (NBI) katakod kan suboot pagpatanid ni Vice President Sara Duterte sa buhay kam Presidente.
Segun ki Palace Press Officer Usec. Claire Castro, haloy nang nasa irarom kan Department of Justice (DOJ) ang NBI asin parte kan ehekutibo ang DOJ, kaya dae dapat kuwestiyunin an istruktura kaini.
May sadiring mandato an NBI na magkundusir nin imbestigasyon sa anumang banta sa Presidente.
Sinabi man ni Castro na seryosong pigsimbag kan Presidente an naging pahayag ni VP Sara asin dae ini binalewala.
Importanteng imbestigaran an nasabing orolay nganing masierto an seguridad kan Presidente, First Lady, asin kan dating House Speaker, siring man an kapakanan kan nacion.
