LEGAZPI CITY-Pigsierto kan Malacañang na bastante an suplay nin basic goods asin krudo ngani dai magresulta sa panic buying an mga namamanwaan.
Segun kay Palace Press Officer Undersecretary Atty. Claire Castro na dai kinakaipuhan na mahadit an mga namamanwaan huli ta bastante an suplay kan nacion.
Susog sa abiso kan Department of Trade and Industry (DTI), wara pang paghiro sa presyo kan mga basic commodities sa Metro Manila asin sa iba pang parte kan nacion.
Idinagdag pa ni Castro na tulos na isumbong sa DTI asin sa Department of Energy an “abnormal” na paglangkaw sa presyo kan mga pangenot na barakalon asin mga produktong petrolyo.
Nagpatanid man an Malacañang laban sa mga imbuelto sa nagsasamantala mantang padagos na tensyon sa Middle East.
