LEGAZPI CITY — Kinondenar kan Pinagkaisang Samahan ng mga Tsuper at Operator Nationwide (PISTON) an ginibong lakdang kan Malacañang na pagsuspinder kan klase sa Metro Manila kun saen ginibong rason an suboot stike kan grupo na madara nin peligro sa publiko.
Sa intrevista kan Bombo Radyo Legazpi ki PISTON national president George San Mateo, sinabi kaining warang basehan an ginibong rason kan Malacañang sa pag-isyu nin kanselasyon kan klase kasuodma huli sa hasta kan Lunes sana an strike kan grupo.
Sa piggigibo suboot kan gobierno, pighahalian kaini an grupo nin legitimacy o an makatarungang paglaban kan jeepney driver/operator kontra sa jeepney phaseout asin an corporate monopoly sa irarom kan jeepney modernization program.
Maduon pang sinabi ni San Mateo na nagpapalakop nin fake news an Palasyo ngani na dagiton an publiko asin ibasol sa grupo nin jeepney driver/operator an perwisyo.
Segun pa digdi, sarong maating taktika an piggigibo kan gobierno kontra sa sainda asin naggigibo sana nin scenario ngani na ma-crack down an hiro-protesta.
Dugang pa ni San Mateo, maging an Philippine National Police na mismo an nagpahayag na wara ining namonitor sa intel reports na imminent threat dara kan transport strike.
