Inapod kan Malacañang na fake news an mga nagsisirkular sa social media apps mapadapit sa helang na diverticulitis ni Presidente Ferdinand Marcos Jr.
Segun ki Palace Press Officer Atty. Claire Castro, kun dae bisto an pinagpuonan kan impormasyon an malinaw na gibo-gibong istorya sana ini nganing sumakay sa kondisyong pangsalud kan Presidente.
Katakod man sa report na hale suboot sa sarong doktor sa St. Luke’s Hospital, sinabi ni Castro na duda ining an mismong doktor kan Presidente an nagtaram mapadapit sa helang kaini.
Sinabi ni Castro na mismong ang Presidente ang nagsabi na bako life-threatening ang saiyang helang alagad mawot man liwat na palitawin kan mga kritiko na may malalang helang an Presidente.
Kan Martes nagkalat sa chat groups na naglala an helang kan Presidente huli sa paggamit suboot nin driga asin nagkaigwa suboot nin cyst o bukol asin may indikasyon na nabutas an bituka na pwedesir magkawsa nin peligro sa saiyang buhay.
Liwat na pinahimutikan kan Malacañang kaya dae dapat na pagtubudan huli sa bako beripikado ang pinagpuonan kaini.
