Dapat imbestigaran an report na igwa suboot nairehistrong 1,183 na mga paggadan na may kinaaraman sa ilegal na droga sa irarom kan presenteng administrasyon.
Ini an simbag ni Palace Press Officer Atty. Claire Castro sa iniluwas na report kan “Dahad Project”, kun saen may mga nagadan suboot sa ilegal na droga.
Segun ki Castro kung igwang mga ebidensya an dapat na maimbestigaran ini huli sa habo ni Presidente Ferdinand Marcos Jr. na mabahiran an saiyang administrasyon nin mga paggadan.
Dae na suboot kaipuhan na halaton na magsugo an Presidente huli trabaho kan mga otoridad na mag-imbestigar asin mapanimbag an mga dapat na mapanimbag.
Tinawan-doon ni Castro na habo ni Presidente Marcos Jr. na dumanak ang dugo huli sa bako kaini pamana ang extrajudicial killings, alagad dapat masunod an due process.
Bako kaipuhang ipapagadan an pig-akusaran huli sa wara sa Konstitusyon an taramon na death penalty asin dae ini ipigpapaotob sa nacion.
