LEGAZPI CITY—Pigkonsiderar kan Makabayan bloc na sarong ‘victory’ an desisyon na may probable cause an duwang isinunad na impeachment complaints kontra ki Vice President Sara Duterte.
Segun ki Former ACT Teachers Partylist Representative France Castro, sa intrevista kan Bombo Radyo Legazpi, ikinaogma ninda na sa lado kan Committee on Justice an unanimous an botohan sa probable cause kaya nagpapahiling nin nin bastanteng boto nganing makalusot ini sa Senado huli man sa kadakol na ebidensya an inilatag sa grounds of impeachment sa bise presidente.
Nagtutubod man si Castro na mas lalong naggabat an kaso laban ki VP Sara huli sa mga inimbitaran na resource persons asin mga prinesentang ebidensya kan mga nakalihis na hearing sa nasabing impeachment complaint.
Dugang niya na kun maboto sana nin tama an mga senador basado sa mga ebidensya an dae harayo na makua ninda an sapat na numero kan mga senador.
Mientrastanto, pig-engganyar man kaini an publiko na subaybayan an impeachment case sagkod pag-abot sa Senado hanggang sa makulong suboot si VP Sara basado sa grounds of impeachment na isinunad laban saiya.
