Makusog na kinondenar kan Makabayan bloc sa Kongreso an pagtanggi kan mayoriya sa proposal na haleon o amyendahan an Unprogrammed Appropriations (UA) fund, sarong lakdang na, segun sa sainda, nagbubusol nin kurapsyon asin nagmantinir nin sistemang bukas sa pang-aabuso.
Nagboto nin YES si Deputy Minority Leader asin ACT Teachers Rep. Antonio Tinio asin an bilog na Makabayan bloc nganing dagos nang tanggalon an pondo para sa Unprogrammed Appropriations.
Makalihis na tanggihan ini kan mayorya, nagpropwesto si Rep. Tinio nin mga importanteng amyenda nganing pugulan an hayagang pang-aabuso sa pondo, alagad magin an mga propwestong ini an tinanggihan pa man kan supermajority.
Sinabi ni Tinio na an pagtanggi kan mayorya sa mga simpleng mekanismo nin paninimbagan an malinaw na indikasyon na mawot nindang manteniron an Unprogrammed Appropriations bilang pondo para sa korapsyon.
Mga Amyendang Tinanggihan kan Mayorya: Enot, Ibalik an orihinal na probisyon nangangaipo nin pag-aprobar kan Presidente bago an pagpaluwas kan Unprogrammed Appropriations, sarong proteksyon na hinale suboot nganing dai maimbuelto an Presidente sa iskandalo nin korapsyon sa proyekto sa pagkontrol kan baha asin iba pang mga pang-aabuso sa UA; Ikaduwa, Haleon an sobrang kapangyarihan kan Department of Budget and Management (DBM) na mag-realign o magbago nin mga pondo para sa anuman na katuyuhan sa irarom kan UA na warang magkakanigong kontrol.
Sinambit man ni Youth Rep. Renee Louise Co an epekto kaini sa mga ordinaryong tawo, na iyo an kasakitan para sa mga tawo huli sa halangkaw na presyo kan mga babarakalon.
Nagpahayag man nin suporta si Makabayan sa pagbawas kan pondo kan Office of the Vice President’s (OVP) bilang parte kan saindang paninindugan para sa fiscal responsibility asin accountability sa gabos na ahensya kan gobyerno.
An Unprogrammed Appropriations, na nagkakantidad nin bilyones pesos, an haloy nang piggagamit bilang discretionary fund na bukas sa korapsyon asin pamumulitika.
Kun wara nin magkakanigong pangangataman, sinda an nagigin kasangkapan para sa personal na pagpayaman imbes na sarong tunay na serbisyo sa mga tawo.
Nangangapodan an Makabayan bloc sa mga tawo na bantayan asin girumdumon kun papano nagboto an saindang mga representante sa mga importanteng amendment na ini.
An pagtanggi sa mga simpleng lakdang para sa paninimbagan bako sanang pagkadaog sa lehislatura, ini sarong pagtraydor sa tiwala kan publiko asin sarong paratao nin padagos na korapsyon.
 fund, a measure that, according to them, bred corruption and maintained a system open to abuse.){kind=link}