LEGAZPI CITY-Ipapaotob kan Albay Electric Cooperative (ALECO) an mahiwasang diskoneksyon sa konsyumer na dai pa nakakabayad kan saindang mga bill sa kuryente.
Segun kay Albay Electric Cooperative Spokesperson Anj Galero, sa intrevista kan Bombo Radyo Legazpi na magkakaigwa nin diskoneksyon weekly diskoneksyon kun sain mapoon ini sa aga, sa Legazpi City, Ligao, Tiwi, Tabaco, Camalig, asin Polangui.
Magkakaigwa man nin diskoneksyon sa Huwebes sa banwaan kan Bacacay, Legazpi, asin Guinobatan siring man sa aldaw nin Biyernes sa Tabaco, Polangui asin Oas.
Kasunod an lakdang kan mga igwang balance nin mga bayadan sa kuryente.
Tinawan doon man ni Galero na dapat magin responsable an mga konsyumer sa pagbabayad kan saidang mga bills.
Pigpapagirumduman man an gabos manungod sa nasabing diskoneksyon enkaso dai makabayad.
An mga pigbabayad suboot digdi an mismong maintenance kan kooperatiba ngani maipadagos an saindang mga operasyon.
