LEGAZPI CITY – Pangapudan kan hepe kan Legazpi City Police Station sa mga Legazpeños na dae na maimbwelto pa sa mga iligal na aktibidad katakod kan presenteng kampanya kan PNP na anti-illegal gambling.
Segun ki PS/Supt. Nilo Berdin, wara sindang pipilion na lugar kun maaraman nindang piggigibong pasugalan an harong kan sarong residente.
En kasong maaraman ini, ma-apply tulos suboot sinda nin search warrant ngane na malaog an harong asin masangatan ini nin kaso kun magpositibo an ipigkasang operasyon.
Pighayag man kan opisyal na kun may mawot magreport na residente na may nahiling na pulis na imbwelto sa iligal na pasugalan, mas maray na kuwaan ini nin ladawan.
Mas marhay kaya suboot na igwa kaini bilang ebidensya ngani na matibay an ipapaabot na impormasyon.
Kun may mahiling suboot na nagdadalan na pulis sa pasugalan, kuwaan ini nin ladawan asin ipahiling saiya saka aaksyunan asin papaimbestigaran.
