Binawian nin buhay an duwang magtugang na sinda Yana, 5 anyos, asin Lukas, 2 anyos makalihis na malamos sa dagat harani sa saindang harong sa El Salvador City, Misamis Oriental kan Hunyo 14.
Segun sa saindang ina na si Angelica Lariosa, dae niya tinugutan na magkarigos sa dagat an saiyang mga aki, alagad an nobya kan saiyang tugang na babae na si Kristine an suboot nagdara sainda, kaiba an saro pang aki na si Samantha.
Mantang nagkakawat sa baybayon, biglang naglubog an apat na aki sa hararom na poro.
Si Kristine asin Samantha naligtas, alagad si Yana asin Lukas dai tulos nahiling.
Segun sa mga testigo, garo may makusog na suction force sa irarom kan tubig, asin may kakaibang parong an dagat.
Huli kaini, nagtutubod an nagkapirang residente na bako simpleng aksidente an nangyari, kundi gibo kan suboot “siyokoy” na nangunguwa nin tawo sa dagat.
Kinabanggihan, nakuwa an bangkay kan duwang aki sa parehong lugar kun saen sinda nawara.
Segun sa mga paryentes, nag-offer pa sinda nin bado asin kwarta nganing mabawi an bangkay kan mga aki.
Sa labing takot, nagdesisyon an pamilya ni Angelica na bayaan an saindang harong sa baybayon.
Mientrastanto, igwa man nin paliwanag an Philippine Coast Guard asin mga eksperto kun papano nadara an mga kaakian sa kairaroman asin kun pano ta mantinidong buhay an pagtubod sa mga linalang arog kan siyokoy.
