Gadan an tiyuon asin pamangkin kaini makalihis na magtigbasan sa Bais City, Negros Oriental.
Basado sa imbestigasyon kan pulisya, may darang duwang sundang an suspek na binistong si Juan Ortega Cabanag, 47-anyos asin nag-amok sa harong kan saiyang pinsan.
Nagluwas an tiyuon kaini na si Silvino Cabanag Romeo, 65-anyos nganing mag-awat alagad tinigbas ini kan suspetsado.
Nalugadan an biktima alagad nakaya niyang agawon an saro sa mga sundang, antes nagbalos an suspetsado gamit an sundang na ikinagadan kaini.
Alagad, binawian man nin buhay an biktima huli sa mga lugad na sinapo kaini.
Segun sa mga awtoridad, may helang sa pag-iisip an suspetsado asin dati nang may iriwal sa pamilya kan biktima.
Sinabi kan pulis na naghale an insidente sa sarong personal na iriwal, alagad padagos pa an saindang imbestigasyon kun ano an eksaktong rason kun nyata nag-amok an suspechado.
