Nagluwas nin tsunami warning an Indonesia’s Meteorology, Climatology and Geophysics Agency (BMKG) makalihis an sarong makusog na linog na may kusog na Magnitude 7.6 na nagyugo harani sa baybayon kan Melonguane, North Sulawesi bandang alas-8:43 nin pagka-aga (Jakarta time) ngonian na Biyernes, Oktubre 10, 2025.
Segun sa BMKG, an epicenter kan lindol an may rarom na 56 kilometro, asin tulos sindang nagluwas nin pangenot na abiso sa tsunami para sa North Sulawesi asin mga kataraid na parte kan Papua.
Binanggit kan ahensya na an pangenot na impormasyon an basado sa marikasang datos asin posible pang magbago mantang ipigsasagibo an mas hararom na pagsusuri.
Inabisuhan kan gobierno an mga residente sa mga baybayong lugar na magin alerto asin sunudon an mga opisyal na abiso hale sa mga awtoridad mantang padagos an monitoring sa posibleng pagbabago kan taas kan lebel nin tubig-dagat asin aftershocks.
Arug sa Pilipinas mahihiling an Indonesia sa Pacific Ring of Fire, kun saen kalimitang mangyari an mga linog asin pagputok kan bulkan huli sa banggaan kan mga tectonic plates.
 issued a tsunami warning after a strong earthquake measuring 7.6 on the Richter scale struck near the coast of Melonguane, North Sulawesi around 8:43 am (Jakarta time) on Friday, October 20, 2015.){kind=link}