LEGAZPI CITY-Niyugo nin magnitude 6.2 na linog an kanlurang rehiyon kan Chugoku sa Japan na sinundan nin serye kan makukusog na aftershocks, susog sa Japan Meteorological Agency (JMA).
Sinabi kan ahensya na an epicenter kan linog nairehistro sa sirangang parte kan Shimane prefecture.
Wara man nin banta nin tsunami kasunod kan nasabing paglinog.
Kinumpirma man kan Japan’s Nuclear Regulation Authority na wara ining natukoy na anumang iregularidad makalihis an linog.
Nairehistro an linog sa seismic intensity na upper-5 sa 1-7 na scale kan Japan.
Mientrastanto, inanunsyo kan West Japan Railway na temporamenteng sinuspinder an operasyon kan Shinkansen bullet train sa pagultanan kan Shin-Osaka asin Hakata bilang pag-iingat kasunod kan linog.
Bisto an Japan bilang saro sa mga nacion na pinaka-aktibo sa seismic activity sa kinaban.
Pigkakarkulong dai mababa sa limang mga linog na may kusog na magnitude 6 o labi pa sa bilog na kinaban an naeeksperyensyahan sa Japan.
