Gadan an sarong 68-anyos na lola asin an saiyang 5-anyos na apo pagtitigbason asin martilyuhon sa saindang harong sa Purok Lumboy, Brgy. Panangban, banwaan kan Compostela, Cebu.
Binisto an mga biktima na sinda Evelyn Pareja Jayme, 68 anyos, byuda asin an saiyang 5-anyos na apo na si alyas Gael.
Segun sa ina ni alyas Gael na si Rowena na nakaali na siya sa saindang harong bago maglaog an suspek.
Susog sa imbestigasyon, posibleng may personal na kulog nin boot an suspek sa biktima asin binisto man ining naggagamit nin droga, segun kay PSMS Junrey Frias, lead investigator, Compostela Police Station.
Mientrastanto, lugadan man sinda Ruvelyn Jayme Gomez, 38 years old, agom kaining si Kelly Gomez, asin aki nindang si Clint Justine Jayme Gomez, 16 years old.
Binisto an suspetsado na si Jayson Meca Avila, 41 anyos asin kapitbahay kan mga biktima.
Siring man, narekober na kan mga kapulisan an sundang asin martilyo na ginamit kan suspek.
