LEGAZPI CITY — Maogma an sarong opisyal kan gobyerno sa mga nagin pahayag ni Presidente Rodrigo Duterte sa nakaaging SONA kaini kun sain natukar an kahagadan na komportableng buhay para sa gabos.
Segun ki 9th ID Public Affairs Office chief Capt. Randy Llunar, dakula man an katabangan an improvement kan ekipahes para sa Puersa Armadas kan Pilipinas ngani na makatabang sa nagpapadagos na kariribukan ngunyan sa syudad kan marawi.
May punto man suboot an pahayag kan presidente na pagpapakarahay kan mga ospital ngani na matawanan nin komportableng atensyon an mga lugadan na suldados.
Segun ki Llunar, sa ngunyan wara pa sindang nareresibe na mga bagong ekipahes alagad parte ini kan plano sa pag-improve kan lado kan mga suldados kaya pinaglalaoman na sa masunod na taon, magkakaigwa nin procurement nin mga bagong armas siring kan promesa ni Duterte.
Mientrastanto, nangapudan man an opisyal sa mga namamanwa na magin bukas an isipan asin suportaran an mga programa kan gobyerno asin punduhan na an mga pag-uugali na garing dae nakokontento.
