LEGAZPI CITY – Ibinida ni Mayor Noel Rosal na magayon an buros kan vaccination rollout laban sa COVID-19 sa ciudad kan Legazpi.
Segun ki Rosal sa intrevista kan Bombo Radyo Legazpi kadakol na an mga nagpaparehistro ngonyan ngani na magpabakuna bako arog kan dati na nagduduwa-duwa pa sa COVID-19 vaccine.
Sa katunayan, halos nasa 7,000 na an numero kan mga nagpaparehistro alagad nag-aabot pa sana sa 4,000 an kabilugang doses kan COVID-19 vaccine na naka-alokar sa ciudad.
Inihayag man kan alkalde na dae na iaanunsyar an brand kan mga bakuna na naka-schedule para sa rollout susog naman sa kasuguan ni Presidente Rodrigo Duterte sa Department of Interior and Local Government (DILG).
Mientras tanto, olamenteng an mga nagpopositibo na sana suboot sa ciudad iyo an resulta kan mga contact tracing.
