LEGAZPI CITY—Karsel an bagsak kan pigtutubudang na mag-live-in partner sa kinundusir na buy-bust operation kan Daraga Municipal Police Station sa banwaan kan Daraga, Albay.
Binisto an mga suspek na sinda alyas “Bha” asin alyas “Pinkz.”
Nakumpiskar digdi an pigtutubudang shabu na may gabat na 7.3 gramos na nakabugtak sa 3 pidaso nin heat sealed transparent plastic sachet asin may kantidad na labi sa P49,640.00.
Mahahampang an mga ini sa kasong pagbalgar sa Section 5 asin Section 11 kan Republic Act 9165 o Comprehensive Dangerous Drugs Act of 2002.
Nasa kustodiya na kan Daraga Municipal Police Station an mga suspek para sa magkakanigong disposisyon.
