LEGAZPI CITY- Dae pa makapanubod sagkod ngunyan an sarong mag-ilosyun makalihis na mabiktima nin holdup sa Barangay Puro Legazpi City.
Binisto an mga ini na sinda Melbert Villanueva, 20-anyos kan Sitio Guyam Taysan asin si Lorna Azul, 18-anyos kan Barangay San Francisco sa parehong syudad.
Base sa imbestigasyon kan Legazpi CPS, nagtutukaw an mag-nobyo sa tahaw kan kongkretong tinampo partikularmente sa madiklom na parte harani sa Eco Homes kan bigla na sanang mag-abot an duwang dae nabistong lalaki na lunad nin kolor rosang scooter asin tinutukan sinda nin badil sabay deklarar nin hold-up.
Pwersahan suboot kaining kinua an mga gamit asin kwarta kan biktima kun sain kabale an cellphone, bag na igwa nin P2,000; sling bag na may nakabugtak na cellphone na nagkakantidad nin P1,000 asin wallet na may laman na student license asin iba pang gamit.
Padagos ining pig-iimbestigaran ngunyan kan pulisya.
