LEGAZPI CITY—Arestado kan mga otoridad an mag-arama sa Barangay Estancia, Malinao, Albay huli sa kasong attempted homicide.
Segun ki Malinao Municipal Police Station, Chief of Police, Police Major Jayson Ray Florin, sa intrevista kan Bombo Radyo Legazpi, saro sa mga suspek an ama, 48-anyos, asin sarong construction worker; saro man sa suspek na aki kaini an may edad 21-anyos, warang agom, sarong paraooma; mantang an saro an may edad 22-anyos, warang agom, asin saro man na paraooma.
Segun sa salaysay kan opisyal nagresulta sa sarong pisikalan an dae pagkakasinabutan kan suspek asin biktima na saindang kaparientes kan Hunyo 2025.
Pagdugang ni Florin na wara man sa impluwensya nin arak an mga suspek kan nangyari an insidente.
Sa presente nasa kustodiya kan Malinao MPS an tulong suspek para sa magkakanigong disposisyon.
