Ikinulong an mag-ama sa banwaan kan Argao, Cebu makalihis an pauru-utro nindang pangmomolestiya sa sarong 9-anyos na aking babae.
Napag-araman na 3 taon nang nakaka-eksperyensya nin pang-aabuso an 9-anyos na daragita sa saiyang 30-anyos na stepfather asin 50-anyos na stepgrand, huli ta salitan sinda kan panggagahasa sa marahas na paagi.
Ini an paliwanag ni Police Executive Master Sergeant Vivian Tamayo, kan Women and Children’s Protection Desk kan PNP Argao, sa ekslusibong intrevista kan Bombo Cebu Team, kung saen nagsirong an mag-ina sa saindang hepatura, asin ipinaaram sa insidente.
Segun kay Tamayo, kan mismong aldaw kan pagsumbong, hinalay man suboot an 9-anyos, kun saen pinaluhod ini sa hampang kan saiyang stepfather asin ginibo an kahalayan.
Napundo sana ini kan mag-abot an ini kan aki hale sa pagpapakaon kan orig, alagad inulit ini kan step-lolo kan buminalik an ina sa kulungan kan orig, kunwari ma-subli nin lighter, alagad panggagahasa palan an katuyuhan.
6 anyos pa sana an biktima kan magpoon na molestiyahon siya kan saiyang stepfather, asin dae naghaloy an suminunod man an saiyang step-lolo.
Kaya man kan mapansin kan ina an pangyayari an marikas kaining hinanap an saiyang aki asin duman niya naaraman an panghahalay na piggigibo kan saiyang agom asin biyenan.
Idinugang pa kan biktima na pigpatanidan siyan nin pambubugbog enkaso magsumbong siya sa sisay man.
Sinabi man ni Tamayo na ipigheras kan ina na haloy na siyang pig-aabuso kan saiyang agom, alagad dae niya ini sinumbong huli ta nagtutubod siyang parte sana ini kan saiyang pagdidisiplina.
Sa presente, pighahanda na an mga kinakaipuhang papeles nganing isumite sa Department of Justice asin an duwang suspek an susunadan nin kasong qualified rape asin sexual assault.
