Nagsunad an Bureau of Internal Revenue nin tax evasion, laban kina Pacifico “Curlee” Discaya II, Cezarah Rowena “Sarah” Cruz Discaya asin sa sarong opisyal kan korporasyon na nagseserbi sa St. Gerrard Construction.
Susog sa pahayag ni BIR Commissioner Romeo Lumagui Jr., an kabilogang kantidad kan saindang dae nabayadan na buwis o tax liability, an nag-aabot sa P7.1 bilyon.
An nasabing kantidad an kompwesto kan pirang klase nin buwis na dae suboot nabayadan puon kan taong 2018 sagkod 2021.
Kabale digdi an income tax, excise tax na ipigpataw sa siyam na luxury vehicles o mga mahal na behikulo, asin an documentary stamp tax na may kinaaraman sa suboot divestment o pagtanggal kan interes gikan sa apat na construction firms.
Ipigbuyagyag pa kan BIR na wara sindang nahiling na record o dokumento na nagpapatunay na nagbayad an mag-agom na Discaya kan documentary stamp tax.
Huli digdi, pigtutubudan kan BIR na bako tunay an saindang ginibong pag-divest hale sa nasabing mga kumpanya.
Boot sabihon pwedesir nagpanggap sana sinda na tinanggal an saindang interes sa mga kumpanya nganing makaibitar sa pagbabayad kan tamang buwis.
Sienerto ni Commissioner Lumagui sa publiko na saiyang sisiguraduhon na maipapakulong an mag-agom ni Discaya asin an iba pang mga opisyales kan mga kumpanya kaini.
 has filed multiple cases of tax evasion against Pacifico “Curlee” Discaya II, Cezarah Rowena “Sarah” Cruz Discaya, and a corporate officer serving at St. Gerrard Construction.){kind=link}