LEGAZPI CITY-Posibleng mahampang sa contempt of Congress sinda dating U.S. President Bill Clinton asin dating secretary of state Hillary Clinton kun dai sinda mahampang sa pagdangog kan kongreso kasunod kan imbestigasyon sa namaaram na convicted sex offender na si Jeffrey Epstein.
Susog sa report, ipinaapod kan House Oversight Committee an mag-agom na Clinton para sa closed-door depositions bilang parte kan imbestigasyon mapadapit sa koneksyon kan mga bistong personalidad kay Epstein asin an pagmando kan gobierno sa mga impormasyong may kinaaraman sa isinagibong krimen.
Piglalaoman na magtatao nin testimonya si Bill Clinton asin Hillary Clinton alagad dai pa kumpirmado an pagsipot kan duwa sa kongreso.
Enot nang nangapudan si U.S. President Donald Trump ngani magkaigwa nin transparency kan imbestigasyon makalihis na magpaluwas an U.S. Department of Justice (DOJ) kan ibang parte kan dokumento na may koneksyon kay kay Epstein, sarong bulan makalihis an itinakdang deadline kan mga kaso.
Nadismaya man an nagkapirang tagasuporta ni Trump, orog na sa mga nagtutubod na ginadan si Epstein ngani ulangan an suboot pagkakaimbuelto kan makapangyarihang mga indibidwal sa gobierno.
Enkaso man na dai magpahiling an mag-agom na Clinton, posibleng magsangat an komite nin contempt of Congress resolution.
An criminal contempt of Congress an sarong misdemeanor na may padusang hasta sa sarong taon na pagkakakulong asin multang maabot sa $100,000.
