LEGAZPI CITY — Arestado an mag-agom sa isinagibong search warrant operation kan mga otoridad sa Barangay Victory Village ciudad kan Legazpi kasubanggi.
Binisto an mga suspek na sinda Larry Loveriza asin Nena Loveriza na residente kan Purok 2 kan nasabing barangay.
Segun ki Philippine Drug Enforcement Agency (PDEA) Bicol Agent Enrique Lucero, nagbalo pang magdulag an mga suspek sa mga operatiba kan PDEA, Albay Police Provincial Office, Legazpi City Police asin Intelligence Service of the Armed Forces of the Philippines (ISAFP).
Nakumpiskar sa mga ini an poco mas o menos 5o grams kan pigtutubudang shabu na igwang street value na maabot sa P300,000.
Sa ngonian, nasa PDEA jail facility na an mag-agom mantang ipighahanda an kasong isasangat kontra sa mga suspek.
