Puminakol sa 520,000 na mga ilegal na paputok asin pyrotechnics an nakumpiskar kan Philippine National Police.
Segun ki Police Brigadier General Jean Fajardo, an tagapagtaram kan PNP, nasa P2.4 milyon an kantidad kan nasambitang mga paputok.
Nasa 19 na katawo man kairiba an duwang menor-de-edad an naarestar huli sa mga ilegal na paputok.
Dugang pa digdi, na an 80 nairehistrong firecracker-related injuries iyo huli kan boga—sarong improvised cannon na gibo sa PVC na piggamitan nin denatured alcohol.
Maabot man sa 7,000 na boga an nakumpiskar kan saindang ahensya.
Mientrastanto, nakapagrehistro man nin 15 kaso nin indiscriminate discharge of firearms an PNP kun saen apat an irido huli kan indiscriminate firing asin saro sa stray bullet.
