LEGAZPI CITY- Nakatanggap nin “Arugan Award” an maabot sa 25 na mga paratukdo sa probinsya kan Albay katakod kan pagselebrar kan World Teachers Day.
Segun kay Froilan Tena an tagapagtaram kan Schools Division Office nin Albay sa intrevista kan Bombo Radyo Legazpi na piggibo an aktibidad nganing magtaong honra sa mga paratukdo na nagtao nin sakripisyo asin magayon na dekalidad sa pagturo.
Sinabi man kaini na nakadepende an dakol asin bilang kan mga awardee sa saindang piggigibong Criteria.
Pigpapadarahan man suboot ki memorandum an saindang mapipili nganing magpasa kan saindang mga rekisitos nganing makabali digdi.
Kun hahaputon ini, gabos suboot pwedeng magin awardee alagad nakadepende sinda sa mga criteria na pigtatao sainda.
Segun pa kay Tena na nakaresibi nin nag-aabot ki 10,000 pesos hasta sa 20,000 pesos an mga awardee.
Pigmawot man kaini na dae magbago an pigpapahiling kan mga nakaresibi asin pig enganyar man kaini an mga dae pa nakakabale sa award na ini na dapat inuwahon an pagtao nin dekalidad na edukasyon nin huli ta magkakaiba an category na pigpipili ninda asin irigwa pang mga masunod kaini.
