Pinangenotan ni Luka Doncic an Los Angeles Lakers sa saindang ika-siyam na sunod na pagkagana sa home court laban sa Denver Nuggets sa score na 120-108.
Sa enot na quarter pa sana, nagkamada na si Doncic nin 21 points, na nagtao nin dakulang kalamangan sa koponan.
Nag-ambag man si Austin Reaves nin 22 points asin walong assists.
Sa ibong kan dae pagkawat ninda LeBron James asin Rui Hachimura huli sa mga injury, nagibo pa man kan Lakers na ma-itabla an saindang record sa Nuggets para sa ikatulong puwesto sa Western Conference na may 43-25 na kartada.
Sa lado man kan Denver, nagpakitang-gilas si Aaron Gordon na may 26 points asin 11 rebounds, alagad dae ini nagin bastante nganing mapugulan an pag-usad kan Lakers.
