Nakatipon si Luka Doncic nin 28 points, 10 rebounds asin walong assists ngani na maipahiling kan Dallas Mavericks an magayon na laban sa second half asin dagos na madaog an San Antonio Spurs sa score na 120-109.
Nauwa kan Mavericks an tsansa ngani na mabaliktad an two-point halftime deficit pasiring sa 14 puntos na pagkalamang.
Nagdugang man si Klay Thompson nin 22 points para sa saiyang debut sa Mavericks.
Si Dereck Lively II man an nakapagrehistro nin 15 points asin 11 rebounds mantang si Kyrie Irving an igwang 15 points asin pareho man na igwang 11 points sinda Jaden Hardy asin P.J. Washington.
