LEGAZPI CITY- Nag-aagrangay ngunyan an mga residente kan Purok 4, Barangay Gogon, Legazpi City huli sa lubak-lubak na tinampo sa saindang lugar.
Ini urog pang nakaka apektar na an nasabing raot na tinampo sa bulos kan trapiko.
Pigkakahadit man kan mga residente na magkawsa nin aksidente sa mga motorista an nasabing tinampo kaya mawot na maaksyunan na.
Segun ki Kagawad Richilda Chie Atun na naghahanap ngunyan nin pondo an barangay ngani na mapakarahay an tinampo sa nasabing lugar.
Paliwanag kan opisyal na kan nakalihis na taon pa sinda nagsumiter nin resolusyon sa lokal na gobierno para sa nasabing proyekto asin inasegurar man na matatawan nin aksyon sa urog na madaling panahon.
