LEGAZPI CITY – Dae pa suboot nin dakol na ideya an Land Transportation Office (LTO) Legazpi Branch sa kun ano an magigin totalmenteng disenyo kan bagong plaka para sa mga motorsiklo sa irarom kan Motorcycle Crime Prevention Act o bisto man bilang Doble Plaka Law.
Sa intrevista kan Bombo Radyo Legazpi ki LTO Legazpi chief Grace Rojas, pighahalat pa kan oficina an ibababang Implementing Rules and Regulations (IRR) na siyang makakapagdikta kun talagang metal an gagamiton o gurano ini kadakula.
Kumpiyansa man an opisyal na magigin madali sana an pagproduce kan plaka urog na igwa naman na ekipahe sa central office na makakapag-manufacture nin 700 na plaka sa laog sana nin sarong oras.
Posibleng yaon naman sa dealer an plaka na dapat nang kuhaon.
Mientras tanto, pasaro-saro naman suboot na nag-aabot an mga plakang puon pa kan backlog kan 2015.
Sa ibong na lado, nag-abiso si Rojas sa mga motorista na dae pa nakakakua kan dating plaka na pirming darahon an Authority to Use Improvised Plates tangarig na dae nin mabalgar na ley.
