Ipigrekomenda kan Land Transportation Office (LTO) na dagos na pugulan an pagsasagibo kan Boss Ironman Motorcycle Challenge (BIMC).
Ini makalihis na mairehistro an nagkapirang mga aksidente sa tinampo.
Ipigsugo man ni LTO Chief Assistant Secretary Markus Lacanilao sa presidente kan BIMC na isumiter an drivers license kaini mantang nagkokundusir nin imbestigasyon.
Segun sa opisyal na padagos an saindang imbestigasyon huli sa kadaklan kan mga pagbayolar sa trapiko kan mga partisipante kan aktibidad.
Basado sa inisyal na datos kan LTO, igwang anom na pedestrians asin partisipante an nairido kun sain saro an nagadan sa aktibidad na ipigkondusir kan Enero 31 asin Pebrero 1 sa General Santos City.
Paglulunaw kan LTO na wara sindang anuman na permit na itinao asin dakol an nahiling na mga pagbayolar.
