LEGAZPI CITY — Inasegurar kan Land Transportation Office (LTO) Regional Office 5 an “consistently available” asin “reliable supply” na roll-out kan mga plaka.
Kumpiyansa si LTO Bicol Dir. Atty. Noreen Bernadette Lutey na magigin posible ini sa paagi kan in-upgrade na modern plate-making machine hale sa 1967 plate-making plan na nakakaag sa central office.
Maogma man ipigheras kan opisyal an preparado na para sa distribusyon an plaka para sa manlaen-laen na motor vehicles na nagparehistro puon Hulyo 1 kan 2016 hasta Disyembre 31 kan nakaaging taon.
Nakipagkoordinar man an ahensya sa mga dealers sa pagrelease kaya mareresibe naman an mga plate backlogs sa pigkuhaan kan behikulo.
Nagkaigwa man nin mga upgrades sa disenyo kan mga plaka partikular na an RFID sticker, LTO logo security features, QR codes asin alpha assignment kan plate number kun saen “E” an kapinunan kan gabos na yaon sa Bicol region.
Magigirumduman na paramientras na inoktaba an pagpapaluwas kan mga plaka huli ta kinaipuhan munang resolberan an nagkapirang legal concerns sa procurement process kan mga ini.
Kasuodma man kan punan na an nationwide release kan mga plaka para sa motor vehicles mientras na pighahalat pa an pagbabago sa disenyo kan plaka para sa mga motorsiklo kaya dae pa makapagrelease.
