LEGAZPI CITY – Padagos sa pagkondusir nin manlain-laing checkpoint mga kakalsadahan sa rehiyon an Land Transportation Office Bicol.
Segun ki Land Transportation Office Bicol spokesperson Jaime Roperes sa intrevista kan Bombo Radyo Legazpi na piggigibo ninda partikular an region-wide roadside inspection huli ta bako sana ini responsibilidad kan saindang ofisina kundi magin an driver asin publiko.
Kasabay man sa mga kasuguan kan LTO regional director sa saindang mga enforcer na ipa-otob an one strike policy siring man sa pag-aaply para sa driving liscense.
urualdaw sindang nangangapodan sa mga motorista na imanteniron an pag-iingat asin disiplina sa kakalsadahan nganing urualdaw magin ligtas an gabos.
Mientrastanto, pigsabi pa kan opisyal nagpapadagos an piggigibong lakdang mapadapit sa nangyaring insidente na kina-imbweltuhan kan tren kan Philippine National Railways asin bus company sa Camarines Sur.
Nagpaluwas sinda nin showcause para sa driver asin operator kan bus bilang parte kan saindang imbestigasyon asin nakipag-koordinar na sa Land Transportation Franchising and Regulatory Board asin Philippine National Police.
Paglilinaw ni Roperes na pigkokondusir ninda an mga checkpoint asin pangsisita nganing mapakusog an road safety awareness kan mga motorista .
