LEGAZPI CITY – Tahasang nagpatanid si Bicol Saro Partylist Rep. Terry Ridon sa Land Transportation Office asin Department of Transportation sa saindang pagbabawal sa ang mga e-bike asin e-trike sa mga pangenot na kakalsadahan poon sa maabot na Disyembre 1.
Segun saiya sa intrevista kan Bombo Radyo Legazpi na warang basehan sa ley an gigibuhon nindang pagdakop asin pag-impound sa e-bike at e-trike huli ta malinaw ini sa Electric Vehicle Industry Development Act.
Pagladawan niya na may “pagkalalagyan” an LTO asin DOTr enkaso ipa-otob ninda an pagbabawal kun kaya may pirang aldaw pa suboot an mga ini nganing pag-isipan liwat an saindang lakdang.
Punto niya na warang basehan an LTO sa pag-impound kan mga electric vehicles maski suportado pa ini kan pirang senador huli ta may ipina-otob na ley dapit digdi asin pwedesir na ikonsidera an lakdang bilang panghahabon.
Paliwanag kan opisyal na nagigin parte na kan pang-urualdaw na buhay kan sarong pamilya an paggamit nin electric vehicles bilang transportasyon urog na ngonian na naghaharalangkawan an presyo kan gasolina asin babarakalon.
Dapat suboot na palitan kan mga mambabatas na dagit sa mga e-bike at e-trike asin sa mga naghihiriling kaini bilang lamok sa mga kakalsadahan an dapat munang palitan an presenteng ley nganing mapagbawalan an mga ini sa mga pangenot na tinampo.
Paglilinaw pa ni Ridon na pwedesir pa man mapanimbag an driver kan electric vehicle na na-imbwleto sa aksidente maski wara ini nin lisensya mantang pwedesir na iparehistro an mga ini kun gagamiton ini sa mga renting service.
