Inotob kan Land Transportation Franchising and Regulatory Board an direktiba ni Transportation Secretary Vince Dizon na patawan nin preventive suspension an Solid North Transit Incorporated (SOLID NORTH ).
Ini an kasunod kan nangyaring madugong karambola sa Subic-Clark-Tarlac Expressway.
An nasabing aksidente an ikinagadan nin nasa sampulong indibidwal.
Kaibanan sa mga nagadan an apat na aki mantang irido man an nasa 37 na mga indibidwal.
Napag-araman na makakaresibe man nin tig-P400,000 na tabang hali sa gobierno an mga kaparientes kan nagadan na mga biktima.
Nagluwas sa inisyal na impormasyon kan mga kapulisan na nakaidlip suboot an bus driver kaya nabangga an mga nakapilang behikulo sa toll gate.
