Naghuma an Land Transportation Franchising and Regulatory Board na pupunan na an pagdakop sa mga unconsolidated jeepneys sa masunod na semana.
Segun kay LTFRB chairperson Teofilo Guadiz, magpapaluwas an saindang opisina nin guidelines para sa pagdakop sa mga unconsolidated jeepneys o an mga dae nagsabay sa asosasyon o kooperatiba asin nagsuway sa Public Utility Vehicle Modernization Program.
Segun kay Guadiz, maikokonsidera ng kolorum an mga unconsolidated jeepneys huli ta nagpaso na an saindang provisional authority kan matapos naman an deadline kan consolidation kan Abril 30.
Abiso kan opisyal sa mga magpupumirit man giraray na jeepney drivers asin magsasagibo nin hiro protesta, na siertohon na igwa sinda nin prangkisa ngani na dae matiketan.
Base sa datos kan Land Transportation Franchising and Regulatory Board nasa 61% o 30,500 na kan mga jeep sa Metro Manila an nakasunod sa consolidation mantang 81% sa bilog na nasyun.
Katakod kaini, nakatalaan na naman na magsagibo nin tolong aldaw na transport strike sa Hunyo 10 hasta 12 an grupong Manibela bilang pagkontra sa nasabing anunsyo kan ahensya.
