Ipighayag kan Land Transportation Franchising and Regulatory Board (LTFRB) na dae makakaapektar nin labi sa public mobility an nakatalaang transport strike kan Pagkakaisa ng mga Samahan ng Tsuper at Operator Nationwide (Piston) sa Huwebes, Setyembre 18, 2025.
Segun ki LTFRB Chair Teofilo Guadiz III, preparado an mga ahensya nin gobierno siring kan Department of Transportation (DOTr), Metropolitan Manila Development Authority (MMDA), asin mga lokal na gobierno, na magpaotob nin mga contingency measures nganing masimbagan an posibleng istorbo sa mga commuter.
Katakod kaini matao man nin libreng sakay an gobierno siring kan military trucks, buses asin mga modernized public utility vehicles (PUVs) nganing matabangan an mga apektadong pasahero.
Siring man an pagkakaigwa nin mga alternatibong ruta asin kadugangang mga behikulo.
Mientrastanto, pigpangapudan man kan LTFRB na magkakaigwa nin dialogo an mga transport groups sa pagkasar nin mga hiro protesta nganing maibitaran an istorbo sa publiko.
 has announced that the scheduled transport strike by the Pagkakaisa ng mga Samahan ng Tsuper at Operator Nationwide (Piston) on Thursday, September 18, 2025, will not significantly affect public mobility.){kind=link}