LEGAZPI CITY-Pigbabaan kan Land Transportation Franchising and Regulatory Board (LTFRB) an surge pricing para sa ride-hailing services asin transport network vehicle services (TNVS).
Segun sa ahensya na huli ini sa mga reklamo kasunod kan halangkaw na pamasahe asin algorithmic pricing sa pinakahalangkaw na demand kan peryodo.
Basado sa memorandum kan ahensya, na dai na hahalangkawan pa an surge price sa mga Transport Network Company susog sa Travel Distance Charge asin Travel Time Charge.
Maabot sa P45.00 an kada Flagdown, P75.00 man sa Distance Charge sa 5 kilometro, P20.00 man sa Time Charge kada 10 minutos, P95.00 naman sa Max Surge Allowed na nagkakatindad nin kabilugang P235.
Madurar an nasabing paghalangkaw sa surge pricing poon Disyembre 17, 2025, sagkod Enero 4, 2026.
