LEGAZPI CITY- Pigpapasumiter na kan Land Transportation Franchising and Regulatory Board (LTFRB) Bicol sa mga operators an listahan kan mga drivers kaini katakod kan nakatalaan na pagpupuon kan pagbabarewas nin cash assistance, sa tahaw kan padagos na paglangkaw kan presyo kan produktong petrolyo.
Segun ki LTFRB Bicol Director Joel Defeo sa intrevista kan Bombo Radyo Legazpi na pigkakarkulong nasa 8,000 na mga public utility drivers ang makikinabang sa P5,000 na ayuda sa irarom kan Assistance to Individuals in Crisis Situation (AICS) program kan Department of Social Welfare and Development (DSWD).
Napag-araman na sa sarong unit kaya, igwang mga pagkakataon na duwa an driver.
Sinabi kan opisyal na dapat na magin honesto an mga operators sa saindang mga isusumiter na dokumento ngani na matawan an mga karapat-dapat na drivers.
Nilinaw man ni Defeo na an P5,000 na cash assistance an suway pa sa fuel subsidy na ipigtatao kan ahensya sa mga drivers.
