LEGAZPI CITY- Dae man kinumpirmar alagad dae man ninigaran kan Land Transportation Franchising and Regulatory Board (LTFRB) Bicol an suboot pagkakaigwa nin iligal na terminal nin mga Utility Van (UV) Express sa banwaan kan Daraga, Albay.
Ipighayag ni LTFRB Bicol spokesperson Mary Ann Bon sa Bombo Radyo Legazpi na nag-iingwa na an lokal na gobyerno kan Daraga ngani na makahanap nin posibleng magin terminal para sa nasambitan na mga behikulo.
Sigon pa ki Bon, dae man pwedesir na papunduhon an mga ini sa pag-operate huli ta kinakaipuhan na ikonsidirar an ipigtatao kaining serbisyo sa mga commuters.
Mientrastanto, klinaro kan opisyal na dae na pigtutugutan ngunyan kan ahensya an pagpapabakal o pag-transfer nin prangkisa na epektibo puon pa kan Agosto 12, 2016.
Nakatutok man suboot sinda ngunyan sa pag-extend nin mga prangkisa kun sain dapat na sa laog kan sarong taon, antes ining mapaso, dapat nang mag-file nin extension of availability para sa dugang na limang taon
