Gadan an sarong 75 anyos na lola makalihis na bugbugon nin kahoy dangan sunugon kan kataid na suspetsado na dating drug surrenderee makalihis na akusaran na mambabarang o mangkukulam sa banwaan nin Kibawe, Bukidnon.
Nasulo na asin wara na nin buhay an bangkay kan maabutan kan mga nagrespondeng pulis an biktima na dae na pinangaranan mantang inarestar man an 37-anyos na suspetsado.
Segun ki Major Jayvee Babaan, tagapagtaram kan Bukidnon Police Provincial Office, nangyari an krimen kan Hulyo 26, 2025.
Nagluluwas sa imbestigasyon kan pulisya na tinamaan kan suspetsado an payo kan biktima gamit an poon nin niyog, rason kun kaya nawaran ini nin malay.
Digdi na inaprobetsaran kan suspek an pagkakataon asin sinulo an biktima gamit an dahon kan poon nin niyog.
An suspetsado boluntaryong nagsuko sa pulis asin nagtuga kan krimen, na pigsasabing pig-eenkanto siya kan biktima.
An suspetsado midbid na nagmamate nin depresyon makalihis na suhayan kan saiyang agom.
Sinabi kan pulis na an suspechado igwa nang dating record sa paggamit nin iligal na droga, asin ngonian nahahampang na sa kasong murder.
