LEGAZPI CITY- Maugma an lokal na gobierno kan Tabaco City sa personal na pagbisita ni Tourism Secretary Christina Frasco sa ciudad para sa ground breaking ceremony kan pinaka enot na Tourist Rest Area sa Bicol.
Napag-araman na nagpromesa man si Secretary Frasco nin duwa pang rest areas sa Albay.
Segun ki Tabaco City Mayor Krisel Lagman-Luistro sa intrevista kan Bombo Radyo Legazpi na nagpapahiling sana ini kan mas makusog na suporta para sa turismo.
Sinabi kan alkalde na an nasabing pasilidad an strategic an lokasyon an gabos na turista an maagi sa lugar kun sain magayon man an scenery kan Bulkang Mayon.
Marurumduman na an nasabing proyekto an pigtagamahan nin nasa P10 million na pondo.
Kataning man ini kan Hiraya Manawari Nature Park sa ciudad kan Tabaco.
Kumpiyansa man si Luistro na mag-oofresir nin magayon na serbisyo sa mga turista Tourist Rest Area sa paagi kan matanos na pasilidad asin welcoming na mga tawo.
Afuera sa imprastruktura, pighahanda man suboot an mga tourism workers na maganap sa mandato na pagtatao nin makayon na eksperyensya sa mga turista.
