LEGAZPI CITY- Inaprobitsaran na kan sarong lokal na turista gikan sa Lucban, Quezon an pag-atendir sa misa sa Daraga Church ngunyan na Ash Wednesday.
Segun ki Bambie Oblea sa intrevista kan Bombo Radyo Legazpi na nagpasiring sinda sa provincia kan Albay ngani na mahiling an bulkang Mayon alagad isinabay na ang pagsisimba sa Daraga Church.
Pag-istorya kaini na nagdakula siya sa sarong relihiyosong pamilya alagad naputol an pagsisimba kan magtrabaho abroad asin napasiring sa sarong Muslim country.
Huli digdi, pig-aaprobitsaran suboot na makapagsimba kun igwang pagkakataon.
Kasabay kan Ash Wednesday, sinabi ni Oblea na importante na maipahiling an sakripisyo sa panahon kan kwaresma siring na sana kan pag-aayuno asin padagos na pagpapangadyi.
Dugang pa niya na wara siyang ibang pigmamawot kundi an marhay na salud para sa mga padangat sa buhay asin an saindang seguridad.
