LEGAZPI CITY — Pinaghahandaan na ngonian kan mga lokal na opisyal sa mga banwaan asin syudad sa probinsya kan Albay na apektado kan aktibidad kan Bulkang Mayon an ipapaotob na decampment sa mga evacuees na nasa luwas kan 7 kilometer extended danger zone.
Ini an katakod kan pormal na pagbaba kan Philippine Institute of Volcanology and Seismology (PHIVOLCS) sa alert Level status kan bulkan.
Segun ki Albay Public Safety and Emergency Management Office (APSEMO) chief Dr. Cedric Daep, magpapaotob na nin decampment sa syudad kan Ligao ngonian na aldaw.
Katakod kaini, nakatalaan na man na paulion sa aga an mga residentes kan banwaan kan Sto. Domingo mientras na sa maabot na Huwebes pa mapaotob nin decampment sa ciudad kan Legazpi huli ta pighahanda pa suboot kan City Disaster Risk Reduction Management Office (CDRRMO) an dugang na tabang sa mga ini antes an pagbabalik sa saindang mga harong.
Mientras tanto, sa presente pighahalat pa an anunsyo kan mga alkalde sa nagkapirang banwaan dapit sa decampent order mientras na mahigot man an bilin ni Governor Al Francis Bichara sa mga LGU officials na palalunanan pa nin relief goods an papaulion na mga evacuees.
