LEGAZPI CITY—Ipigbida kan mga lokal na paraooma an manlaen-laeng produkto nin niyog sa opisina kan Philippine Coconut Authority-Bicol bilang parte kan selebrasyon kan 39th National Coconut Week sa provincia kan Albay.
Segun ki Philippine Coconut Authority-Bicol Division Chief I Sofia Juserhine Bucad sa intrevista kan Bombo Radyo Legazpi, ipigkundusir sa nasabing okasyon an Coconut Tiangge kun saen ipig-display an mga lokal na produkto kan mga paraooma na gibo sa niyog.
Obheto kan aktibidad na i-promote an mga lokal na produkto na gibo sa niyog asin matawan nin pagbisto an niyog bilang sarong parte kan agrikultura.
Sa presente, padagos an pagpapabakal nin mga coconut products sa nasambitang opisina na pwedesir aprobitsaran kan publiko.
Dugang pa ni Bucad na pwedesir man na mag-display an iba pang mga lokal na paraooma na igwang coconut products nganing mabakal an saindang mga produkto.
