LEGAZPI CITY-Ipighayag sa kaenot-enoteng pagkakataon kan aktres na si Liza Soberano manungod sa saiyang masakit asin mapait na mga eksperyensya kan siya aki pa sa Amerika, kabali na an pang-aabuso asin pagtenir niya sa foster care.
Sa podcast na “Can I Come In?”, na ipinaluwas kan Agosto 14, sinabi ni Liza na nagdakula siya na may mga magurang na “misguided” — sarong ama na imbuelto sa pagnegosyo nin ilegal na droga, asin sarong ina na adik sa crystal meth.
Segun kay Liza na an an saiyang ama napreso asin idineportar sa Pilipinas pagkatapos na sangatan nin manlaen-laen na kaso, asin an saiyang ina lulong sa bisyo kan droga mantang bados sa saiyang tugang na lalaki.
Pinakamatindi niyang nadanas an sarong insidente nin kidnapping, kung sain pigkulog siya kan boyfriend kan saiyang ina gamit an sarong badil.
Makalihis an mga pangyayari, napaduman si Liza asin an saiyang tugang sa iba-ibang foster homes, kung sain naekperyensyahan niya ang pangaabuso siring kan pagkaturog sa garahe asin an pagpapahiro sa saiya bilang sarong alagang hayop.
Nailigtas sinda kan saiyang tugang kan magsagibo nin surprise visit an sarong social worker asin nahiling an mga senyales nin mga pangaabuso.
Ipigheras man kan aktres an saiyang buhay sa Pilipinas na suboot dai nagin madali orog na an pakikisama sa saiyang ama na haros dai niya nakaiba na nagpababa suboot sa saiyang self-worth.
Mientrastanto, an matapang na pagheras ni Liza, nag-ani nin mga suporta asin papuri hale sa publiko kung sain binisto an pagigin matapang kan aktres sa pagheras asin sa pagbuhat hale sa mapait na nadanasan.
