Nakagibo nin historya an “The Bear” actress na si Liza Colón-Zayas sa Emmy Awards 2024 bilang pinaka enot na Latina na nanggana bilang Outstanding Supporting Actress sa Comedy Series.
Binisto si Liza sa matibay na pagganap kaini bilang si Tina sa nasabing hit series.
Sa saiyang acceptance speech, pinayuhan kan aktres an gabos na mga Latina na imantenir an pagtubod asin manindugan sa mga diretsos.
Kaibanan pa sa mga “The Bear” actors na nakaresibe nin honra sa The Emmys sinda Jeremy Allen White bilang Outstanding Lead Actor in a Comedy Series asin si Ebon Moss-Bachrach bilang Outstanding Supporter Actor in a Comedy Series.
An taunan na Primetime Emmy Awards an bisto bilang pinakahalangkaw na honra sa telebisyon kun sain an mga nanggagana an pigpipili kan nasa 22,000 directors producers, performers, asin iba pang mga konstituentes sa Television Academy.
